आमदार ऋतुराज पाटील यांच्या हस्ते टेन एक्स टॅटू स्टुडिओचे दिमाखदार सोहळ्यात उद्घाटन

कोल्हापूर (प्रतिनिधी) : कळंबा येथे गारगोटी रोडवरील दुकानात योगेश जाधव यांनी टेन एक्स टॅटू स्टुडिओ उभारला आहे. त्याचे उद्घाटन यंग आमदार ऋतुराज पाटील यांच्या हस्ते काल झाले. 

कळंबा भागातील हा पहिलाच टॅटू स्टुडिओ असून तरुणाईला याचा लाभ होईल असे मत या प्रसंगी ऋतुराज पाटील यांनी व्यक्त केले. गोंदण्याची ही जुनी परंपरा आता टॅटू च्या स्वरूपात नव्याने ट्रेण्ड झाली आहे. यामध्ये नवनवीन तंत्रज्ञान आणि विकास होत आहे. योगेश जाधव हे हेल्दी आणि सुंदर डिझाईन्स काढणारे एक निष्णात आर्टीस्ट आहेत असेही ते म्हणाले.

यावेळी पत्रकार अमरसिंह राजे, उत्तम पाटील, कळंबाचे ग्रामपंचायत सरपंच व सदस्य, नागरिक, कार्यकर्ते, आप्त व योगेश जाधव यांचे नातेवाईक मित्रमंडळी हजर होते.