प्रथमेश स्वीट कॉर्नच्यावतीने १०० सेकंद स्तब्ध राहून राजर्षी छत्रपती शाहू महाराज यांना अभिवादन

लोकराजा छत्रपती श्रीशाहूजी महाराज स्मृती शताब्दी निमित्त आप्पाचीवाडी फाटा प्रथमेश स्वीट कॉर्न यांच्या वतीने १०० सेकंद स्तब्ध राहून अभिवादन केले.

एनएच ४ येथे आडी मल्लय्या फाटा येथे कोळी, मुस्लीम जैन, हनबर, कुंभार, वडर यांची छोटी दुकाने आहेत. ह्या सर्व लोकांनी आपल्या लाडक्या शाहू राजाला मानवंदना दिली. यासाठी कोगनोळीचे पत्रकार दत्तात्रय कोळी यांनी पुढाकार घेतला. 

यावेळी वंदुरचे निवृत्त पोलीस उपनिरीक्षक (महाराष्ट्र) कृष्णात खोडवे, म्हाकवेचे नामदेव पाटील, कुर्लीचे प्रशांत आमते, निप्पाणीचे रियाज मुल्ला, करनुरचे संतोष चौगुले, मांगुरचे सुभाष बेनाडे, सौंदलागाचे राजू कुंभार, शहाजी वडर, कोगनोळीचे सुहास कोळी, इकबाल मुल्ला, निवृत्त शिक्षक आनंदराव इंगवले आदीन्ची उपस्थिती होती.