बस्तवडे येथे शरद भोसले, विजय यादव, धनाजी वायदंडे, जी एल पाटील यांची कमिटी वर निवड

कागल: तालुक्यातील बस्तवडे गावातील देवस्थान कमिटीच्या अध्यक्षपदी माजी कोतवाल शरद शंकर भोसले व उपाध्यक्षपदी विजय यादव यांची तर तंटामुक्त कमिटी अध्यक्ष पदी जी एल पाटील यांची  निवड झाली.  दोन्ही समित्यांच्या सचिवपदी पोलीस पाटील धनाजी वायदंडे यांची निवड झाली. 

गावातील ग्राम सभेत कमिटी सदस्यांची निवड झाली होती.

ही बैठक ग्रामपंचायत कार्यालयात पार पडली. मावळते अध्यक्ष ए पी पाटील सर यांना शाल श्रीफळ देऊन सत्कार करण्यात आला.

पुढील वाटचाल व ग्रामविकासासाठी गट-तट विसरून सर्वांनी मिळून मिसळून कार्यरत रहावे असा सूर सर्वांनी आळवला. 

स्वागत उपसरपंच जयवंत पाटील याांनी केेेले तर आभार पोलीस पाटील धनाजी याांनी व्यक्त केेलेे. 

अमरसिंह राजे, एस एम पाटील सर, सातापा कांबळे यांनी यावेळी कमिटीला मार्गदर्शन केले. सरपंच श्रीमती सोनाबाई वांगळे यांच्या अध्यक्षतेखाली व ग्रामसेविका सौ सुनीता भाडे यांच्या उपस्थितीत हा कार्यक्रम संपन्न झाला.